Hitað upp fyrir leik WBA og United | Myndband

Áttundu umferð ensku úrvalsdeildarinnar lýkur í kvöld þegar Manchester United heimsækir West Bromwich Albion, en United vann í fyrsta sinn tvo leiki í röð undir stjórn Van Gaal áður en hlé var gert á deildinni vegna landsleikja.

WBA var komið á skrið með tveimur sigurleikjum í röð áður en liðið tapaði fyrir Liverpool fyrir landsleikjahléð og það verður líklega án ChrisBrunt og GarethMcAuley sem meiddust báðir með norður-írska landsliðinu í vikunni.

Manchester United glímir einnig við meiðslavandræði, en LukeShaw og PaddyMcNair tognuðu báðir í leiknum gegn Everton og eru tæpir fyrir kvöldið.

WBA-liðið er í fimmtánda sæti deildarinnar með átta stig en getur komist upp í það ellefta með sigri. United féll niður í sjötta sætið um helgina, en getur lyft sér aftur upp í fjórða sætið með sigri í kvöld.

Stutta upphitun frá ensku úrvalsdeildinni má sjá í spilaranum hér að ofan.