Björn Leifsson mættur á fundinn

Kolbeinn Tumi Daðason skrifar 5. september 2014 15:34

Björn Leifsson á Hótel Natura fyrir fundinn. Vísir/SKS

Hluthafar í DV ehf. eru mættir á aðalfund hlutafélagsins sem fram fer öðru sinni á Hótel Natura í dag. Nokkra athygli vekur að Björn Leifsson, eigandi Lauga ehf. sem reka World Class, er mættur á fundinn. Björn komst að samkomulagi við Þorstein Guðnason að sá síðarnefndi keypti hlut sinn í félaginu.

Fundurinn var tímasettur klukkan þrjú en töluverðan tíma tók fyrir hluthafa að komast í fundarsal þar sem gaumgæfilega var athugað hvort fundargestir væru ekki örugglega hluthafar. Þurftu þeir að framvísa gögnum og skilríkjum af þeim sökum.

Björn Leifsson, Sigurður G. Guðjónsson og Þorsteinn Guðnason eru á meðal þeirra sem mættir eru á fundinn. Sem kunnugt er keypti Björn, fyrir hönd Lauga ehf., 4,42 prósenta hlut í félaginu á dögunum. Fór hann ekki leynt með þá staðreynd að ástæða kaupanna sé að bola ritstjóranum Reyni Traustasyni af blaðinu. Fór svo að hann seldi Þorsteini hlut sinn í blaðinu en Björn og Þorsteinn voru sammála um að það væri útgáfufélaginu til hagsbóta að Björn og Laugar hverfi úr hluthafahópnum.

Fresta þurfti aðalfundinum síðastliðinn föstudag vegna ágreinings um ársreikninga félagsins.

Reynir Traustason og Sigurður G. Guðjónsson.Vísir/Anton

Fundargestir á Hótel Natura á fjórða tímanum.Vísir/Anton

Reynir Traustason í viðtali á Stöð 2 fyrir fundinn.Vísir/Anton

Tengdar fréttir

Telur stjórnarmenn aðallega mótfallna skrifum um Framsókn og lekamálið

„Málið stendur þannig að það er framhaldsaðalfundur á föstudaginn,“ segir Reynir Traustason, ritstjóri DV, í þættinum Harmageddon á X-inu.

3. september 2014 14:14

Deilan um DV: Stjórnarformaður vill úttekt á fjárreiðum félagsins

Þorsteinn Guðnason segist hafa haft áhyggjur af óeðlilegum áhrifum á ritstjórnarstefnu DV.

31. ágúst 2014 13:25

Sveinn Andri krefur DV um tíu milljónir króna

"Honum er velkomið að útskýra fyrir þjóðinni hvernig það gerist að maður á þessum aldri, líklega fimmtugur, er í sambandi við jafn ómótaðan einstakling og sextán ára stúlka hlýtur að vera,“ segir Reynir Traustason, ritstjóri DV.

2. september 2014 12:02

Guðmundur í Brimi ætlar að stefna Elliða

"Elliða Vignissyni bæjarstjóra í Vestmannaeyjum verður stefnt fyrir rógburð og tilraun til að sverta mannorð,“ segir Guðmundur Kristjánsson oft kenndur við Brim í tilkynningu til fréttastofu.

31. ágúst 2014 11:41

Slagnum um eignarhald DV frestað um eina viku

Reynir Traustason, ritstjóri DV, segir deilur innan eigendahóps DV ehf. hljóta að enda með ósköpum. Hann sakar stjórnarformann félagsins um lögbrot. Sigurður G. Guðjónsson lögmaður gefur lítið fyrir ásakanirnar og segir Reyni hafa stundað bolabrögð á aðalfundi félagsins í gær.

30. ágúst 2014 08:00