Martino stýrir Messi og félögum

Gerardo „Tata“ Martino hefur verið ráðinn næsti landsliðsþjálfari Argentínu.

Martino tekur við starfinu af Alejandro Sabella sem hætti eftir HM í Brasilíu, þar sem Argentínumenn komust alla leið í úrslitaleikinn. Þeir urðu hins vegar gera sér silfrið að góðu eftir 1-0 tap gegn Þjóðverjum í framlengdum leik.

Martino stýrði Barcelona á síðustu leiktíð, en hann hætti störfum eftir að hafa mistekist að ná stórum titli í hús.

Hann er ekki ókunnugur landsliðsþjálfun, en hann stjórnaði Paragvæ á árunum 2006-2011. Martino kom paragvæska liðinu í átta-liða úrslit á HM 2010 og í úrslitaleik Suður-Ameríkukeppninnar ári seinna.