Svía rænt í austurhluta Úkraínu

Sænskum ríkisborgara hefur verið rænt af úkraínskum aðskilnaðarmönnum, að sögn talsmanns Úkraínustjórnar.

Sænska ríkislögreglustjóraembættið hefur staðfest að sænsks manns er saknað og að hann kunni að hafa verið fluttur á brott gegn eigin vilja. Í frétt Aftonbladet segist talsmaður embættisins ekki geta tjáð sig frekar um málið.

Samkvæmt upplýsingum blaðsins var Svíanum rænt á sunnudag við vegartálma nærri í Perevalsk í Luhansk-héraði og er haldið föngnum í bænum Horvlika.

Að sögn Dagens Nyheter er maðurinn á sjötugsaldri og kemur frá vesturhluta Svíþjóðar.