82 látnir í tveimur árásum í Nígeríu

Að minnsta kosti 82 eru látnir eftir tvær sprengjuárásir í bænum Kaduna í norðurhluta Nígeríu í dag. Á vef Reuters er haft eftir embættismönnum að árásirnar beri þess merki að hryðjuverkahópurinn Boko Haram beri ábyrgð á ódæðunum.

Þannig fórust að minnsta kosti 32 þegar maður sprengdi sjálfan sig í loft upp í árás sem beindist gegn hófsömum klerki á fjölfarinni götu í bænum. Stuttu síðar varð mikil sprenging á fjölmennum markaði þar sem fimmtíu manns létust.

Líklegt er að talið að tala látinna muni hækka enn frekar, en fjölmargir særðust lífshættulega í árásinni.