Þjóðverjar vísa starfsmanni CIA úr landi

Þýsk yfirvöld hafa ákveðið að vísa starfsmanni bandarísku leyniþjónustunnar (CIA) úr landi vegna tveggja njósnamála sem nú eru til rannsóknar. Starfsmaðurinn er sagður hafa starfað sem tengiliður CIA í bandaríska sendiráðinu.

Formaður þýskrar þingnefndar segir ákvörðunina tekna vegna upplýsinga um njósnir bandarískra yfirvalda á þýskum stjórnmálamönnum og þar sem viðbrögð bandarískra yfirvalda hafi verið ófullnægjandi og þau treg til samstarfs. Málið hefur reitt þýska stjórnmálamenn til reiði.

31 árs starfsmaður þýsku leyniþjónustunnar var handtekinn í síðustu viku vegna gruns um að hafa njósnað fyrir Bandaríkin. Á maðurinn að hafa safnað upplýsingum um þýska þingnefnd sem rannsakar nú ásakanir um njósnir Bandaríkjamanna.