Þriggja ára drengur bjargaði manni úr bíl

Þriggja ára gamall drengur bjargaði manni sem var læstur inni í bíl í grennd við bæinn Knoxville í austurhluta Tennessee-fylkis í Bandaríkjunum á mánudaginn.

Bob King var búinn að vera læstur inni í bílnum sínum í um fimm mínútur þegar hinn þriggja ára gamli Keith Williams gekk framhjá. King var farið að vera ansi heitt inni í bílnum, að eigin sögn, en hitastigið utandyra var vel yfir 30 gráður. „Læsingin á bílnum hefur látið leiðinlega undanfarið,“ útskýrir King.

King náði að vekja athygli drengsins og tókst með einhverskonar táknmáli - auk þess að kalla - að útskýra að hann væri læstur inni í bílnum. Williams hljóp og náði í hjálp. Hann leitaði til prestsins í hverfinu sem kom og leysti málið. Í fjölmiðlum í Bandaríkjunum kemur fram að King eigi langa sjúkrasögu og að þetta hefði getað endað illa, ef Williams hefði ekki brugðist rétt við. „Ég hefði örugglega verið fastur þarna í tuttugu mínútur í viðbót,“ segir King við fjölmiðla.

Hér að neðan má sjá sjónvarpsfrétt um málið.