Fleiri hundruð grunaðir um barnaníð í Bretlandi

Lögregluyfirvöld í Bretlandi hafa handtekið 660 grunaða barnaníðinga og fært rúmlega 400 börn í umsjá barnaverndaryfirvalda.

Á meðal hinna handteknu eru læknar, kennarar, skátaforingjar og fyrrum lögreglumenn en rannsókn yfirvalda hefur staðið yfir í rúma sex mánuði.

Lögregluembætti víðs vegar um Bretland kom að rannsókninni sem er sú stærsta sinnar tegundar í Bretlandi.

Í frétt Guardian kemur fram að 39 hinna handteknu hafi áður komið við sögu lögreglu vegna barnaníðs. Rannsóknin beindist upphaflega að fólki sem skoðaði klámfengnar myndir af börnum á netinu en vatt síðan upp á sig.