Ghani næsti forseti Afganistans

Ashraf Ghani, fyrrum fjármálaráðherra Afganistans, hefur mælst með meirihluta atkvæða í forsetakosningum landsins samkvæmt bráðabirgðatölum sem kjörstjórn í landinu birti fyrr í dag. Á vef BBC segir að talsmaður kjörstjórnar segi Ghani hafa fengið 56,5 prósent atkvæða í seinni umferð kosninganna sem fram fóru þann 14. júní síðastliðinn. Abdullah Abdullah, andstæðingur Ghani í seinni umferð kosninganna, hlaut 43,5 prósent atkvæða.

Ghani mun því að óbreyttu taka við forsetaembættinu af Hamid Karzai sem gegnt hefur embættinu frá 2004.