Fótbolti

Fagnaðarfundur Arons með fjölskyldunni í Sao Paulo

Eiríkur Stefán Ásgeirsson skrifar
Mynd/Twitter
Fjölskylda Arons Jóhannssonar er komin alla leið til Brasilíu og hitti kappann í gær.

Magnús Agnar Magnússon, umboðsmaður kappans, er með í för og birti meðfylgjandi mynd af Aroni á Twitter-síðu sinni í gær.

Aron kom inn á sem varamaður snemma leiks er Bandaríkin vann 2-1 sigur á Gana í fyrsta leik liðanna á HM í Brasilíu. Hann á góðan möguleika á að vera í byrjunarliðinu gegn Portúgal á sunnudagskvöld.

Eins og áður hefur verið greint frá hélt fjölskylda Arons utan fyrr í vikunni en hópurinn komst á áfangastað í gær eftir sautján klukkustunda ferðalag. Frekari myndir frá ferðinni má sjá á Twitter-síðu Total Football, umboðsmannaskrifstofu Magnúars Agnars.

HM 2014 í Brasilíu

Tengdar fréttir

Aron spilaði og Bandaríkin lögðu Gana

Aron Jóhannsson fagnaði sigri í sínum fyrsta leik á HM í kvöld. Bandaríkin lögðu þá Gana, 2-1, en sigurinn var ekki beint sanngjarn. Aron kom af bekknum á 23. mínútu.

Fjölskylda Arons á leið til Brasilíu

Ásgeir Jóhannsson átti erfitt með að hemja sig þegar bróðir hans, Aron, kom inn á sem varamaður snemma leiks í liði Bandaríkjanna gegn Gana á HM í Brasilíu í fyrrakvöld.

Aron stoltur af bandaríska liðinu

Aron Jóhannsson segist vera stoltur af samherjum sínum í bandaríska landsliðinu eftir 2-1 sigur liðsins á Ganverjum á HM í gær.

Mest lesið


Fleiri fréttir

Sjá meira


×

Mest lesið