Alfreð svarar spurningum um framtíðina í HM-messunni

Alfreð Finnbogason, markahæsti leikmaður hollensku úrvalsdeildarinnar í fótbolta, verður gestur Gumma Ben og HjörvarsHafliðasonar í HM-messunni í kvöld sem er í beinni útsendingu á Stöð 2 Sport 2 klukkan 22.30.

Þar verður farið yfir leiki dagsins í A og B-riðlum sem lauk í dag en Holland tryggði sér meðal annars efsta sætið í B-riðli með sigri á Síle. Nú standa yfir lokaleikirnir í A-riðli.

Alfreð mun einnig svara spurningum um eigin framtíð en hann hefur verið sterklega orðaður við Olympiakos í Grikklandi og Real Sociedad á Spáni á síðustu dögum og vikum.

Alfreð stefnir að því að yfirgefa Heerenveen í sumar en hann er markahæsti leikmaður liðsins í deildinni í sögu þess.

Hvert er @A_Finnbogason að fara? Hann svarar því í HM-Messu kvöldsins. #HM365 22:30 á Sport2 #Heerenveen #GRE #ESP

— Gummi Ben (@GummiBen) June 23, 2014