102 dæmdir í tíu ára fangelsi

Dómstóll í Egyptalandi dæmdi í dag 102 fylgismenn Mohamed Morsi, fyrrum forseta landsins, í tíu ára fangelsi fyrir þátttöku í mótmælum og óeirðum sem þeim fylgdi eftir að forsetanum var steypt af stóli á síðasta ári. 

Hundruð fylgismenn hans hafa verið dæmdir á undanförnum mánuðum. Í mars  var réttað yfir 1.200 mönnum og voru 529 þeirra dæmdir til dauða fyrir morð á lögreglumönnum og árásir á fólk og eignir.  Í síðasta mánuði voru 120 fylgismenn Morsi dæmdir til þriggja ára fangelsisvistar.

Að minnsta kosti fimmtíu létust og hundruð slösuðust í mótmælum stuðningsmanna Morsi í fyrra.