Fótbolti

Nokkrir molar um frábært tímabil Alfreðs

Ingvi Þór Sæmundsson skrifar
Alfreð Finnbogason, markakóngur hollensku úrvalsdeildarinnar
Alfreð Finnbogason, markakóngur hollensku úrvalsdeildarinnar Vísir/Getty
Alfreð Finnbogason var á skotskónum þegar Heerenveen vann 3-0 sigur á Waalwijk í lokaumferð hollensku úrvalsdeildarinnar í gær. Alfreð skoraði þriðja markið úr vítaspyrnu og gulltryggði sér þar með markakóngstitilinn í Hollandi.

Alfreð skoraði 29 deildarmörk á tímabilinu, en næsti maður, Graziano Pellé, skoraði 23. Aron Jóhannsson skoraði 17 mörk og hreppti bronsskóinn.

Nokkrir molar um magnað tímabil Alfreðs:

  • Alfreð skoraði 40% af mörkum Heerenveen í deildinni, sem var hæsta hlutfall hjá nokkrum leikmanni.
  • Alfreð skoraði eina þrennu (gegn Waalwijk 8. nóvember 2013) og þrjár tvennur á tímabilinu.
  • Alfreð mistókst aðeins að skora í átta af þeim 31 leik sem hann lék í deildinni.
  • Alfreð skoraði 11 mörk í átta fyrstu leikjunum sem hann lék í deildinni og sex mörk í síðustu sex leikjunum.
  • Alfreð gaf tíu stoðsendingar í deildinni, en aðeins einn leikmaður (Dusan Tadic hjá Twente) gaf fleiri (14).
  • Tíu af 29 mörkum Alfreðs komu úr vítaspyrnum.
  • Alfreð skoraði níu mörk í fyrri hálfleik og 20 í seinni hálfleik.
  • Alfreð lék mest tvo leiki án þess að skora í deildinni. Það gerðist þrisvar á tímabilinu.
Fótbolti

Tengdar fréttir

Alfreð markakóngur í Hollandi

Alfreð Finnbogason gulltryggði sér gullskóinn í lokaumferð hollensku úrvalsdeildarinnar í dag. Alfreð skoraði úr vítaspyrnu í 3-0 útisigri Heerenveen á RKC Waalwijk, en hann endaði tímabilið með 29 mörk í 31 leik, auk þess að gefa tíu stoðsendingar.

Mest lesið


Fleiri fréttir

Sjá meira


×

Mest lesið