Erlent

Almenningur æfur yfir Twitter-banni

Haukur Viðar Alfreðsson skrifar
Frá mótmælum í Tyrklandi í dag.
Frá mótmælum í Tyrklandi í dag. vísir/afp

Almenningur í Tyrklandi er æfur eftir að yfirvöld í landinu létu loka fyrir samfélagsmiðilinn Twitter í gær.

Tayyip Erdogan forsætisráðherra hét því að „útrýma“ samfélagsmiðlinum í gær „sama hvað alþjóðasamfélaginu fyndist“ og var skrúfað fyrir skömmu síðar.

Fisri Isik iðnaðarráðherra segir tyrknesk stjórnvöld í viðræðum við Twitter og telur hann að banninu verði aflétt ef fyrirtækið fellst á að útnefna fulltrúa í Tyrklandi og einnig að loka fyrir ákveðið efni á miðlinum þegar dómstólar óska eftir því.

Tyrkneskir netverjar hafa þó margir hverjir náð að fara í kringum bannið með ýmsum tæknikúnstum og er „hashtaggið“ #TwitterisblockedinTurkey orðið eitt af þeim vinsælustu á Twitter í dag.

Þá hafa fulltrúar stjórnarandstöðunnar sagst ætla að kæra Erdogan fyrir bannið þar sem þeir telja það brjóta í bága við lög um einstaklingsfrelsi.

Twitter-færslur merktar #TwitterisblockedinTurkey

Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.