Átta ára stúlka reyndi að sprengja sig upp í Afganistan

Átta ára afgönsk stúlka er í haldi lögreglu eftir að hún reyndi að fremja sjálfmorðsárás í suður Afganistan. Þetta kemur fram á vef BBC. 

Stúlkan, sem talin er vera systir háttsetts meðlim Al-Kaída, reyndi að sprengja sig upp landamærastöð í suður Afganistan, þar sem lögreglumaður á stöðinni sá stúlkuna og sprengivesti hennar. Svo virðist sem að stúlkan hafi ekki kunnað að sprengja vestið eða hafi verið handsömuð áður en henni tókst það, samkvæmt fréttaritara BBC.

Yfirvöld í Helmand héraði, þar sem stúlkan var handsömuð, segja hana vera mjög ringlaða og í áfalli. Hún hefur verið færð til borgarinnar Lashkar Gah, höfuðborgar héraðsins.