Andstæðingar báðu fyrir friði

Frans páfi tók vel á móti Mahmoud Abbas, forseta Palestínu, og Shimon Peres, forseta Ísraels, í Vatíkaninu um helgina.

Frans bauð leiðtogunum tveimur til Páfagarðs þegar hann heimsótti Mið-Austurlönd fyrir tveimur vikum.

Leiðtogunum var boðið til þess að þeir gætu beðið fyrir friði í átökum Palestínu og Ísraels í sameiningu.

Til að forðast ágreining báðu forsetarnir og páfi hver til síns guðs. Fyrst í nafni gyðingdóms, því næst í nafni kristinnar trúar, og loks í nafni islam. Er þetta í fyrsta sinn sem islam er iðkað í Páfagarði.