Juncker væntanlega næsti framkvæmdastjóri ESB

Leiðtogar Evrópusambandsríkjanna hittast á fundi í dag þar sem fastlega er búist við því að Jean Claude Juncker verði skipaður næsti forseti framkvæmdastjórnar ESB.

Bretar höfðu mótmælt ráðahagnum harðlega en David Cameron forsætisráðherra þeirra óttast að Junckers muni efla enn meira völd framkvæmdastjórnarinnar í Brussel og leggjast gegn umbótum innan sambandsins. Forsetinn er alla jafna kjörinn einróma en nú er fastlega búist við því að Cameron fari fram á að kosið verði um embættið. Það er þó talið næsta víst að Junckers nái kjöri þrátt fyrir mótbárur Breta.