Maður skotinn til bana í átökum í Venesúela

Maðurinn sem lést hét Daniel Tinoco og var leiðtogi stúdentahreyfingarinnar í San Cristobal í Venesúela. Hann var skotinn í brjóstið í skjóli nætur aðfararnótt þriðjudags.

Átökin í Venesúela halda áfram að skekja landið og ekkert lát virðist á því.  Tugir eru látnir og hundruðir slasaðir í miklum mótmælum sem virðast harðna frá degi til dags. Stjórnarandstæðingar mótmæla núverandi ríkisstjórn en verðbólgan í landinu er gífurleg, morðtíðnin í landinu er með þeim hæstu í heimi og vöruskortur er mikill.

Yfirvöld eru harðlega gagnrýnd fyrir óhóflega valdbeitingu gegn mótmælendum og sendi borgarstjórinn í San Cristobal, Daniel Ceballos, frá sér yfirlýsingu þess efnis þar sem notuð eru skotvopn og táragas gegn mótmælendum.

Lítið hefur verið fjallað um málið því venesúelsk stjórnvöld hafa lokað á nánast allt upplýsingaflæði úr landinu og ekki er fjallað um málið í venesúelskum fjölmiðlum.