Barnalegir lifa lengur

Þeir sem hafa barnalegt andlitsfall geta reiknað með því að lifa lengur.

Danskir vísindamenn telja sig hafa sannað þetta og segja að með því að rýna í andlit manna megi spá fyrir um hvort viðkomandi verður langlífur eða ekki. Þetta er eftir rannsóknir sem gerðar voru á 387 tvíburapörum. Þeir sem stóðu að rannsókninni sýndu kennurum, hjúkrunarkonum og jafningjum andlitsmyndir af tvíburunum og báðu viðkomandi um að giska á aldur viðkomandi. Þeir sem litu út fyrir að vera yngri en tvíburabróðir sinn eða systir lifðu að jafnaði lengur.

Þetta kemur fram í the British Medical Journal en BBCgreinir frá rannsókninni. Þeir sem að rannsókninni stóðu telja sig jafnframt hafa líffræðilegar skýringar á þessu. Hlekkur í DNA-litningakeðjunni, sem kallast telomeres, hefur áhrif á það hversu hratt og örugglega frumur endurnýja sig hefur jafnframt áhrif á útlit fólks; hvort það lítur út fyrir að vera yngra eða eldra.