Mannskæður vespufaraldur í Kína

Risastórar vespur hafa orðið 42 að bana og tæplega tvö þúsund hafa slasast í árásum þeirra síðustu vikur í norðvestanverðu Kína.

Um faraldur er að ræða og standa yfirvöld nú í ströngu við að útrýma búum flugnanna. Þá hefur íbúum á svæðinu verið fyrirskipað að ganga ekki um í stuttermabolum eða stuttbuxum og er þeim ráðið frá því að reyna að eyða búunum upp á eigin spítur.

Mökunartími flugnanna stendur nú sem hæst og þá eru þær óvenju árásargjarnar. Stungur þeirra geta valdið heiftarlegum ofnæmisviðbrögðum og leitt til þess að mikilvæg lífffæri hætta starfsemi sinni.