Veiddu fjögurra metra hákarl á fimm metra bát

Tveir veiðimenn börðust í tvær klukkustundir við einn stærsta hákarl sem veiðst hefur í breskri landhelgi. Hákarlinn vó um 250 kíló og dró þá lengst út á Ermasund en félagarnir voru á fimm metra bát.

Annar mannanna, Wayne Comben, var að eigin sögn kominn með blöðrur á fingurna þegar bardaganum lauk en þeir slepptu hákarlinum eftir að þeir mældu hann. Til þess að fá stærðarmet viðurkennt hefðu þeir þurft að drepa skepnuna og vigta hana í landi en að sögn Comben kom það ekki til greina.

Bardaginn var tekinn á myndband og það má sjá hér fyrir neðan.