Berlusconi bíður lokaniðurstöðu

Hæstiréttur Ítalíu hefur farið sér að engu óðslega í máli Silvíu Berlusconis, því fyrsta af nokkrum dómsmálum sem komið er á endastöð í flóknu kerfi ítalskra dómstóls.

Reiknað var með að dómsuppkvaðning yrði á þriðjudaginn, en það hefur dregist og verður líklega í dag. Þá ráðast úrslit hins umdeilda stjórnmálamanns, sem fær ekki að sitja lengur á þingi staðfesti hæstirétturinn dóm neðra dómstigs.

Berslusconi var á síðasta ári dæmdur til þess að sitja fjögur ár í fangelsi og jafnframt var honum bannað að gegna opinberu embætti í fimm ár.

Embættisbannið hefur þau áhrif, verði það staðfest, að þingsetu Berlusconis er lokið.

Þótt Berlusconi sé ekki ráðherra í ríkisstjórn Enricos Letta forsætisráðherra hefur Berlusconi mikil áhrif. Stjórnin þarf á stuðningi flokks hans að halda en þingmenn flokksins hafa hótað því að slíta stjórnarsamstarfinu staðfesti hæstiréttur dóminn.

Sjálfur segir Berlusconi málaferlin öll af pólitískum rótum runnin, og sparar ekki stóru orðin í viðtölum: „Ef þeir dæma mig verð ég helgur píslarvottur ítalska réttarríkisins,“ sagði hann í viðtali við dagblaðið Libero.