Í fýlukasti vegna Y Farteg

Fyrirhugaðar breytingar á nafni þorps eins í suðurhluta Wales hefur framkallað sannkallað fýlukast meðal íbúa.

Talsmenn þess að staðinn sé vörður um velska tungu hafa lagt til að nafninu Varteg verði breytt í Y Farteg, í samræmi við velskan rithátt, enda er Varteg enskur ritháttur. Íbúar óttast hins vegar að þorpið verði aðhlátursefni.

Einn þorpsbúanna, Sioned Jones, sagði í samtali við Wales Online: „Ímyndaðu þér bara að hafa „fart“ í þorpsnafninu.“

Bæjarstjórnin sagði fyrr í vikunni að velska tungumálastofnunin hefði stungið upp á nýja nafninu og að engar breytingar yrðu gerðar án samþykkis íbúanna.