Interpol lýsir eftir „hvítu ekkjunni“

Interpol hefur nú lýst eftir hinni bresku Samönthu Lewthwaite, sem hefur viðurnefnið „hvíta ekkjan“, en talið er að hún sé ein þeirra sem stóðu á bak við skothríðina í Naíróbí í Kenía í síðustu viku.

Samantha er ekkja eins þeirra sem gerðu árásirnar á neðanjarðarlestakerfi Lundúna í júlí árið 2005. Hún hefur verið á flótta síðan og hefur tengsl við hryðjuverkahópinn al-Shabab sem gerði árásina á Westgate verslunarmiðstöðina í Kenía. Að minnsta kosti 67 féllu í árásinni.

Á heimasíðu Interpol segir að Samantha sé 29 ára gömul og lýst sé eftir henni í öllum löndum í heiminum.

Heimasíða Interpol.