Andar köldu milli Brasilíu og Bólivíu

Utanríkisráðherra Brasiliíu, Antonio Patriota hefur látið af störfum. Það gerir hann í kjölfar þess að mjög andar nú köldu á milli Brasilíumanna og Bólivíu.

Upphaf málsins má rekja til þess að Bólivískur stjórnarandstæðingur, sem hafði leitað skjóls í brasilíska sendiráðinu í La Paz höfuðborg Bólivíu í rúmt ár, flúði land á dögunum í bíl frá sendiráðinu. Hann naut aðstoðar brasilísks sendiráðsstarfsmanns en hafði hvorki leyfi til að yfirgefa landið frá Bólivískum stjórnvöldum, né leyfi til að koma inn í Brasilíu frá mönnum þar á bæ. Eftir kröftug mótmæli frá Bólivíu ákvað forseti Brasilíu Dilma Roussef að Patriota skyldi settur af.