Ný lyf geta læknað sortuæxli

Vísindamenn eru bjartsýnir á að ný tilraunalyf komi til með að lækna sjúklinga sem hafa greinst með sortuæxli. Læknar segja að mjög veikir sjúklingar hafi sýnt fram á ótrúlegan bata eftir að hafa fengið nýju lyfin og er þetta í fyrsta sinn sem vísindamenn hafa komist svo nálægt lækningu á sortuæxlum sem náð hafa að dreifa sér um líkamann.

„Við stöndum nú á tímamótum í krabbameinsmeðferðum. Við einblínum nú á að nota okkar eigið ónæmiskerfi og virka nýju lyfin þannig að varnir líkamans ráðast gegn æxlinu. Við erum þegar farin að sjá rosalegan árangur, bæði í tilfellum sortuæxla og annarra krabbameina," sagði Peter Johnson, yfirhúðlæknir hjá Cancer Research UK.

Nýja meðferðin er enn á tilraunastigi en læknar notast við tvö lyf sem brjóta niður varnarveggi krabbameinsfrumnanna, en með því að blanda lyfjunum saman virðist ónæmiskerfið endurræsa sig.

Einn af hverjum sex sjúklingum sem fengið hafa tilraunalyfin hafa sýnt fram á góðan bata.

Nánar er fjallað um málið á vef Sky News.