Tugir látnir í lestarslysi á Spáni

Allt að fimmtíu manns eru látnir og tugir særðir að auki í lestarslysi á norðvestanverðum Spáni. Slysið er sagt vera það versta í landinu í fjóra áratugi.

Lestin fór út af sporinuskammt frá Santiago de Compostella. Þrettán vagnar voru í lestinni og fóru þeir allir út af teinunum. Fjórum þeirra hvolfdi.

238 farþegar voru í lestinni, sem var á leiðinni frá Madrid til El Ferrol. Minnst 200 þeirra eru slasaðir. Lík eru sögð liggja á víð og dreif um slysstaðinn. Fjölmennt lið björgunarmanna vinna nú hörðum höndum við að bjarga fólki úr lestinni og hjúkra særðum.

Ekki er vitað um orsakir slyssins að svo stöddu.

BBC greinir frá.