10% skattur á nettóeign heimila

Hagfræðingar Alþjóðagjaldeyrissjóðsins hafa reiknað út að til þess að skuldir Evrópu lækki og verði jafnháar og þær voru í lok ársins 2007 þurfi 10 prósenta eins skiptis skatt á nettóeign heimila. Frá þessu er greint á viðskiptavef Svenska Dagbladet.

Þar segir að Alþjóðagjaldeyrissjóðurinn vísi til þess að hagfræðingurinn Joseph Schumpeter hafi áður stutt slíka hugmynd og að samsvarandi aðgerð hafi verið innleidd í Evrópu eftir fyrri heimsstyrjöldina og í Japan og Þýskalandi eftir seinni heimsstyrjöldina. Árangur hafi þó orðið lítill þar sem einstaklingar gátu komið peningum sínum undan áður en ákvæðið tók gildi.

Meðal annarra hugmynda Alþjóðagjaldeyrissjóðsins er að auka skattlagningu á ríka sem hafi bara orðið ríkari í mörgum löndum, ekki síst í Bandaríkjunum.

Svenska Dagbladet segir það mat Alþjóðagjaldeyrissjóðsins að ef skattar á auðmenn yrði jafnháir og þeir voru 1980 fengi ríkissjóður Bandaríkjanna 150 milljarða dollara ári.