Klámbækur um nauðganir og sifjaspell úr sölu hjá Amazon

Netverslunin Amazon hefur tekið úr sölu fjölda rafbóka með nauðgunarklámi, lýsingum á sifjaspelli og dýraníði eftir að fjallað var um sölu bókanna í fréttum vefsíðunnar The Kernel.

Bækur með titla á borð við „Tek drukknu dóttur mína“,„Ekki pabbi“ og "Nauðgað af pabba" voru í sölu hjá vefversluninni, að því er fram kemur í frétt Kernel.

Vefverslunin Barnes & Noble tók einnig bækur úr sölu. Verslanirnar WHSmith og Kobo hafa ekki brugðist við fréttunum, samkvæmt frétt BBC. Þrátt fyrir að talsmenn verslana Amazon og Barnes & Noble fullyrði að bækur sem ekki standist skilmála verslananna hafi verið teknar úr sölu fundu fréttamenn BBC engu að síður bækur um efni af þessu tagi í verslununum.

Bækurnar eru til sölu í þeim hluta vefverslananna þar sem höfundar geta sjálfir sett inn eigið efni og boðið til sölu. Lögmaður sem fréttamenn BBC ræddu við sögðu að vefverslanirnar gætu átt von á sektum fyrir að selja efni af þessu tagi án þess að vara við innihaldi bókanna.