Erlent

Byrjaðir að eyða efnavopnum

Freyr Bjarnason skrifar
Alþjóðlegt teymi sérfræðinga hóf í dag að taka í sundur og eyða efnavopnum Sýrlendinga og búnaði sem notaður er til að framleiða þau. Þar með hefur fyrsta skrefið verið tekið til að eyða öllum efnavopnum í landinu fyrir mitt ár 2014. Hér sjást eftilritsmenn að störfum við rannsókn á sprengjuárásinni á Damaskus síðsumars þar sem efnavopnum var beitt og hundruð létust.
Alþjóðlegt teymi sérfræðinga hóf í dag að taka í sundur og eyða efnavopnum Sýrlendinga og búnaði sem notaður er til að framleiða þau. Þar með hefur fyrsta skrefið verið tekið til að eyða öllum efnavopnum í landinu fyrir mitt ár 2014. Hér sjást eftilritsmenn að störfum við rannsókn á sprengjuárásinni á Damaskus síðsumars þar sem efnavopnum var beitt og hundruð létust. Mynd/AP
Alþjóðlegt teymi sérfræðinga hóf í dag að taka í sundur og eyða efnavopnum Sýrlendinga og búnaði sem notaður er til að framleiða þau. Þar með hefur fyrsta skrefið verið tekið til að eyða öllum efnavopnum í landinu fyrir mitt ár 2014.

Teymið hefur um níu mánuði til að eyða efnavopnunum sem forsetinn Bashar Assad hefur umsjón með. Öryggisráð Sameinuðu þjóðanna hvatti til aðgerðanna og er þetta stysti afvopnunarfresturinn í sögu ráðsins.

Um tuttugu sérfræðingar í afvopnunarteyminu hafa dvalið í Sýrlandi í sex daga. Talið er að um eitt þúsund tonn af efnavopnum séu geymd í landinu og bíður sérfræðinganna því mikið og vandasamt verk.

Vopnin voru búin til í borginni Damaskus á níunda og tíunda áratugnum. Talið er að um sé að ræða sinnepsgas og taugagas af tegundunum sarín VX og tabun. Efnavopnin eru geymd víðs vegar um Sýrland.

Um eitt hundrað þúsund manns hafa látið lífið í borgarastyrjöldinni í Sýrlandi og meira en tvær milljónir hafa flúið land. Fimm milljónir til viðbótar hafa þurft að yfirgefa heimili sín.

Mest lesið


Fleiri fréttir

Sjá meira


×

Mest lesið