Fjöldi gesta hyllti konung

Mikil hátíðarhöld voru haldin í garði konungshallarinnar í Stokkhólmi í Svíþjóð í gær en þá fagnaði Karl Gústaf sextándi 40 ára krýningarafmæli. Ólafur Ragnar Grímsson, forseti Íslands, og Dorrit Moussaieff forsetafrú tóku þátt í hátíðarhöldunum, ásamt öðrum þjóðhöfðingjum Norðurlandanna. Í útvarpsviðtali sagði Karl Gústaf að hann myndi sinna sínu embætti eins lengi og hann getur, svo lengi sem heilsa hans leyfir. Þá bætti konungurinn við að honum þætti starf sitt nú vera enn meira spennandi en áður.