Kúrdar segja stjórn Tyrklands ekki standa við loforð

Samtök Kúrda segja að tyrknesk stjórnvöld hafi ekki staðið við loforð frá í vor um að efla réttindi Kúrda gegn því að Kúrdar hætti vopnaðri baráttu sinni fyrir sjálfstæði.

Verkamannaflokkur Kúrda, PKK, hefur því ákveðið að hverfa ekki úr landi með vopnasveitir sínar að sinni, en hafði lofað að fara yfir landamærin til Íraks í byrjun mánaðarins.

PKK lýsti yfir vopnahléi í vor, í trausti þess að Tyrkir stæðu við loforðin, og segja að vopnahléið verði áfram í fullu gildi.