Migu á úkraínska fánann

Bandaríska rokksveitin Bloodhound Gang, sem heimsótti Ísland árið 2000, er í vondum málum eftir tónleikaferð um Austur-Evrópu. Yfirvöld í Úkraínu hafa hafið rannsókn á því þegar einn meðlima sveitarinnar ákvað að míga á úkraínska þjóðfánann á miðjum tónleikum.

Skömmu síðar tók annar meðlimur sig til og tróð rússneska fánanum inn undir buxur sínar og varð það til þess að rússneskur þingmaður krafðist sakamálarannsóknar. Þá voru vegabréfsáritanir hljómsveitarmeðlima afturkallaðar og þeim meinað að koma til Rússlands.