Nýtt ríki stofnað á Indlandi

Indversk stjórnvöld hafa samþykkt að nýtt ríki, eða fylki, verði að veruleika. Ríkinu Andhra Pradesh, sem er á austanverðu Indlandi, verður skipt og í norðvesturhluta þess stofnað nýtt ríki sem heita mun Telangana.

Telangana verður 29. ríkið á Indlandi, en sum þeirra eru það stór og fjölmenn að erfitt hefur reynst að stjórna þeim.



Búast má við andstöðu frá öðrum íbúum í Andhra Pradesh, ekki síst vegna þess að Hyderabad, sem er höfuðborg Andhra Pradesh, verður í hinu nýja ríki.