Líknardráp áfram bannað

Áfrýjunarréttur í Bretlandi hefur hafnað beiðni tveggja alvarlega fatlaðara manna, sem fóru fram á að bann við líknardrápi yrði afnumið.

Þeir sögðu að bannið bryti gegn rétti þeirra til „einka- og fjölskyldulífs“ samkvæmt mannréttindasáttmála Evrópu, þar sem þeir megi ekki ráða hvernig þeir deyi.

„Ég var að vonast eftir mannúðlegum og virðulegum endalokum,“ segir í yfirlýsingu frá Paul Lamb, öðrum mannanna sem höfðuðu málið. „Þessi úrskurður færir mér það ekki.“

Hinn maðurinn, sem höfðaði mál gegn lögunum, lést af völdum lungnabólgu á síðasta ári.

Dómstóllinn viðurkenndi að með lögunum væri brotið gegn réttindum þeirra, en sagði það ekki í verkahring dómara að breyta lögunum. Það þyrftu þingmenn að gera.