Sá elsti í heimi borðar einn banana á dag

Salustian Sanchez-Blazquez, fyrrum tónlistarmaður og námuverkamaður, er elsti karlmaður í heimi eftir að hinn japanski Jiroemon Kimura lést 116 ára gamall í sumar.

Salustian þessi býr í New York Bandaríkjunum og er 112 ára gamall. Hann er sá eini sem er fæddur árið 1901 eða fyrr sem vitað er um. Hann fæddist á Spáni en flutti 17 ára gamall til Kúbu.

Eftir þriggja ára dvöl þar fluttist hann til Bandaríkjanna þar sem hann starfaði sem verkamaður í kolanámu í Kentucky nánast allt sitt líf.

Hann segist borða einn banana á dag, sem eigi sinn þátt í langlífinu.

Hann á 2 börn, 7 barnabörn, 15 barnabarnabörn og 5 barnabarnabarnabörn.

Þrátt fyrir að vera orðinn 112 ára gamall þá er hann ekki elsta lifandi manneskja í heimi því hin 115 ára gamla Misao Okawa frá Japan er elsta manneskja í heimi.