Erlent

Enn ófundinn

Kolbeinn Tumi Daðason skrifar
Nordicphotos/Getty
Umfangsmikil tveggja vikna leit að fyrrverandi lögreglumanninum Christopher Jordan Dorner í Kaliforníu hefur enn ekki skilað neinu. Dorner er grunaður um þrjú morð auk fleiri sakhæfra athæfa.

Dorner er talinn hafa myrt lögreglumann auk þess að skjóta til bana dóttur fyrrum kollega síns og unnusta hennar. Gefin hefur verið út ákæra á hendur Dorner en auk fyrrnefnds er hann sakaður um þrjár morðtilraunir gagnvart lögreglumönnum. Þá á hann að hafa hleypt af skotum á tvo lögreglumenn þar sem annar slasaðist.

Lögreglan beinir sjónum sínum einkum að svæðinu við Big Bear vatnið austan af Los Angeles. Þar fundust leifar af pallbíl Dorner sem kveikt hafði verið í. Einnig eru getgátur uppi þess efnis að Dorner sé kominn til Nevada eða jafnvel yfir landamærin til Mexíkó.

Nordicphotos/Getty
Ákæran á hendur Dorner gerir það að verkum að lögregluyfirvöld í öllum fylkjum Bandaríkjanna eða utan landsteinanna geta tekið Dorner fastan.

Dorner var vikið úr starfi á sínum tíma hjá lögreglunni í Los Angeles fyrir lygar. Dorner var ósáttur við brottvikninguna og markmið hans virðist vera að hefna fyrir ósanngjarna uppsögn.


Tengdar fréttir

Heita milljón dollurum í verðlaun fyrir upplýsingar um Dorner

Borgarstjórn Los Angeles hefur lagt fram milljón dollara, eða um 130 milljónir króna, sem verðlaun til þeirra sem geta gefið upplýsingar um Christopher Dorner, fyrrum lögreglumann sem talinn er hafa myrt þrjá menn, og sært tvo, í grennd við borgina.

Um 600 vísbendingar um Dorner hafa borist lögreglunni

Vísbendingar um lögreglumanninn fyrrverandi Christopher Dorner hafa hrúgast inn til lögreglunnar í Los Angeles eftir að milljón dollara verðlaunum var heitið fyrir upplýsingar um hvar Dorner heldur sig.

Morðinginn enn ófundinn

Lögregluyfirvöld í Los Angels leita enn að Christopher Dorner, fyrrverandi lögreglumanni í borginni, sem grunaður er um þrjú morð.

Raðmorðinginn gengur enn laus

Bandaríski raðmorðinginn Christopher Dorner gengur enn laus. Lögregluyfirvöld í Los Angeles hafa skipulagt afar umfangsmikla leit að Dorner. Grunur leikur á að hann haldi til í fjallakofa í grennd við fjölsóttan dvalarstað, hátt yfir Los Angeles-borg.

Fyrrverandi lögga á flótta

Lögreglumenn í Los Angeles leita fyrrum kollega síns sem grunaður er um að hafa drepið þrjá og sært tvo í skotárásum vestanhafs undanfarna daga.

Fundu útilegubúnað og vopn

Lögreglumenn fundu í kvöld útilegubúnað og vopn í eigu fyrrverandi lögreglumannsins Christopher Dorner, sem grunaður er um þrjú morð á síðustu dögum.

Mest lesið


Fleiri fréttir

Sjá meira


×

Mest lesið