Farþegaflugvél í reykjarmekki eftir brotlendingu í San Francisco

Uppfært kl. 21.00:

Tveir eru látnir hið minnsta og tólf slasaðir samkvæmt heimildum vestanhafs.

---

Farþegaflugvél brotlenti í lendingu á alþjóðaflugvellinum í San Francisco. Ekki liggur fyrir hvort manntjón hafi orðið né um orsök slyssins.

Í myndum og myndskeiði af vélinni sést mikill reykur stíga upp frá vélinni þar sem hún liggur utan flugbrautar á kviðnum. Vélin var á leið frá Seoul, Suður-Kóreu, samkvæmt flugyfirvöldum vestanhafs. Vélin er í eigu flugfélagsins Asiana.

Samkvæmt upplýsingum BBC voru 290 farþegar um borð og 12 manna áhöfn.

Samkvæmt flugyfirvöldum liggur ekki fyrir hvað olli slysinu en ekki var um nauðlendingu að ræða.

Hér gefur að líta beina útsendingu FOX News af flugbrautinni.

Twitter notandinn David Eun náði mynd af því þegar fólk var á hlaupum úr vélinni.

Hér má sjá myndband sem náðist af flugvélinni eftir að hún hafði stöðvast: