Bjartari tímar á Kóreuskaga

Norður-Kóreumenn hafa boðið bandarískum yfirvöldum til viðræðna um öryggis- og kjarnorkumál.

Þetta tilkynnti þulur norður-kóreska ríkisútvarpsins í nótt.

Yfirlýsingin sætir tíðindum enda aflýsti þjóðaröryggisráð landsins fyrirhuguðum fundi með fulltrúum Suður-Kóreu á dögunum. Vilji Norður-Kóreumanna til samingaviðræðna við erkifjendurna í Bandaríkjunum þykir bera vitni bjartari tíma á Kóreuskaga.

Á síðustu mánuðum hafa yfirvöld í Norður-Kóreu hótað kjarnorkurárásum gegn nágrannaríkjum sínum og Bandaríkjunum. Sem fyrr þykir líklegt að tilgangur viðræðnanna sé að ginna alþjóðasamfélagið til frekari efnahagsaðstoðar með fagurmælum og innantómum loforðum um frið.