Tíu prósent stunda ekki kynlíf edrú

Eitt af hverjum tíu pörum í Bretlandi segjast ekki hafa stundað kynlíf edrú í yfir sex mánuði, samkvæmt niðurstöðum úr nýrri könnun.

Um 1800 einstaklingar, sem allir neyta áfengis reglulega og eru í sambandi, voru spurðir út í háttsemi sína í svefnherberginu. Þau voru meðal annars spurð: „Hvenær naustu síðast ásta með kærustu/kærasta þínum án þess að vera undir áhrifum áfengis?"

Um 11 prósent aðspurðra sögðust síðast hafa gert það fyrir meira en hálfu ári síðan og tveir þriðju þeirra sögðust einfaldlega ekki vera í skapi til þess edrú.

Og 52 prósent allra aðspurðra sögðust ekki hafa stundað kynlíf edrú með félaga sínum, síðasta mánuðinn.

Um 60 prósent sögðu að áfengi myndi auka sjálfstraustið í svefnherberginu, á meðan 40 prósent sögðu áfengi gera það lélegra í rúminu.

„Við Bretar elskum áfengi - í hóflegu magni að sjálfsögðu - en svo virðist sem við erum að láta áfengið hafa áhrif á samskipti okkar við makann í svefnherberginu,“ segir Sarah Baily, hjá vefsíðunni UKMedix, sem framkvæmdi könnunina.