Lestarstjóri ákærður fyrir morð

Lestarstjórinn sem var við stjórnvölinn þegar sjötíu og níu manns létust þegar lest fór út af sporinu á Spáni í sumar er nú fyrir rétti, en hann er ákærður fyrir morð.

Í símaupptöku sem spiluð var við réttarhöldin kemur berlega í ljós að lestarstjórinn gerði sér fulla grein fyrir þeim hraða sem hann var á, en lestin var á 190 kílómetra hraða þegar hún fór út af en hefði átt að vera á áttatíu kílómetra hraða.

Lestarstjórinn slapp ómeiddur úr slysinu og strax eftir að það gerðist hringdi hann í kollega sinn og sagði honum frá því hvað hefði gerst. Þar tekur hann skýrt fram að hann hafi verið á þetta mikilli ferð, hann hafi gleymt sér og ekki áttað sig á hraðanum.