Bjargaði börnum út úr bíl sekúndum áður en hann sökk

Tvær breskar stúlkur á þrítugsaldri, Hannah King og Emma Burles, björguðu í gær fjórum manneskjum, þar af þremur börnum, frá drukknun í Essex á Englandi með því að draga þær út um bílrúðu á sökkvandi jeppa. Nokkrum sekúndum eftir að síðasta barnið var komið út sökk bíllinn. Atvikið náðist á myndband sem sjá má hér að neðan.

Scott Swinford var á ferð með þremur börnum þegar flóð hreif jeppann sem hann ók með sér. Úrhellis rigning hafði verið á svæðinu.

Hannah King og Emma Burles, 22 og 26 ára, sáu hvar Swinford var fastur í bílnum ásamt börnunum og stukku út í til að bjarga þeim. Með hjálp frá hinum 21 árs gamla Jordan McNulty tókst stúlkunum að draga Swindford, átta gamla dóttur hans og tvö yngri frændsystkini hennar út úr bílnum. Aðeins nokkrum sekúndum sökk bílinn.

„Við sáum flóðið hrifsa bílinn og börnin þrjú aftur í. Við hugsuðum okkur ekki tvisvar um heldur stukkum út í vatnið og byrjðum ða synda í átt til þeirra. Vatnið var svo djúpt að ég náði ekki til botns,“ sagði bjargvætturinn Hannah King.