Búðareigandi réðst með sveðju á ræningja

Maður sem ætlaði að ræna búð vopnaður riffli lenti í óvæntri uppákomu þegar búðareigandinn dró upp sveðju undan borðinu sínu og elti ræningjann út. Þetta kemur fram í frétt Mirror.

Búðarræninginn kom að kassanum og bað búðareigandann að afhenda sér peninga ellegar hlyti hann verra af. Eins og sést af myndbandinu hér að neðan var búðareigandinn hissa í fyrstu en dró svo sveðjuna upp og byrjaði að sveifla henni framan í ræningjann.

Ræninginn hljóp út úr búðinni og búðareigandinn á eftir. Ræningjanum tókst að komast undan og fékk enga peninga út úr þessari ránför sinni.