Predikari dæmdur fyrir að berja dóttur sína til dauða

Sádi-Arabískur predikari hefur verið dæmdur í átta ára fangelsi og verður hýddur 600 sinnum með svipu fyrir að pynta fimm ára dóttur sína og berja hana til dauða.

Predikarann mun hafa grunað að dóttir hans hefði misst meydóm sinn og barði hana og pyntaði fyrir vikið.

Fayhan al-Ghamdi, framdi glæp sinni fyrr á þessu ári en óttast var að hann myndi sleppa án refsingar. Íslömsk lög sem gilda í landinu innihalda ákvæði um að feður geta ekki verið fyllilega ábyrgir fyrir dauða barna sinna. Aðgerðarsinnar vöktu athygli á málinu og stofnuðu herferð undir nafninu „I am Lama“ eftir nafni dótturinnar, Lama al-Ghamdi. Herferðin vakti athygli á ofbeldi gegn börnum í Sádi-Arabíu þar sem aðgerðarsinnar segja hart framfylgdum reglum um friðhelgi heimilisins og feðraveldis fylgi miklir erfiðleikar og þjáningar.