Einn af hverjum tíu viðurkennir að hafa beitt kynferðisofbeldi

Tæplega tíu prósent bandarískra ungmenna á aldrinum 14 til 21 árs viðurkenna að hafa beitt kynferðisofbeldi að minnsta kosti einu sinni. Fjögur prósent segjast hafa nauðgað eða reynt að nauðga.

Þetta kemur fram í nýrri rannsókn sem gerð var á meira en þúsund ungmennum í fyrrnefndum aldurshóp.

Í frétt LA Times um málið kemur fram að samkvæmt niðurstöðum rannsóknarinnar séu ungmenni sem horfi á klámfengið eða ofbeldisfullt afþreyingarefni líklegri til að beita kynferðisofbeldi.

Þá kemur fram að í 75 prósent tilfella hafi gerandi verið í ástarsambandi með þolanda og fjórir af hverjum tíu gerendum töldu þolanda bera einhverja eða alla ábyrgð á ofbeldinu.