Mikil fjölgun kóngulóabita í Bretlandi

Hinn 39 ára gamli Ricki Whitmore var bitinn af kóngulóinni Fölsk ekkja sem er eitraðasta kónguló Bretlands. Við bitið missti hann næstum annan fótinn og þurfti að læra að ganga upp á nýtt. Hann slasaðist þegar hann kom að hreiðri við vinnu sína. Frá þessu er sagt á heimasíðu Daily mail.

Ricki verður rúmfastur í sex mánuði og þarf að fara í gegnum mikla endurhæfingu. Skurðlæknar þurftu að opna fótinn á honum til að ná eitrinu út eftir að lærið á honum hafði bólgnað í tvöfalda stærð. Sérfræðingar telja að allt að 10 milljónir þessara kóngulóa séu í Bretlandi og þær setji stefnuna inn á heimili til að forðast kuldann.

„Það var mikill sársauki og síðan byrjaði fóturinn á mér að þrútna. Mér tókst að komast heim en þá var lærið á mér tvöfalt að stærð. Þeir reyndu að tæma vökva úr lærinu, en húðin rofnaði og gröftur gaus út. Það lyktaði eins og einhver hefði dáið,“ segir Ricki Whitmore í samtali við Daily mail.

Í fréttinni segir að fjöldi fólks sem hafi orðið fyrir bitum fari hratt fjölgandi í Bretlandi og að kóngulærnar, sem hafi mest fundist í Suður-Bretlandi finnist nú víðar. Sérfræðingar telja að kóngulærnar þrífist vegna blautrar byrjanar á sumrinu sem varð svo að hitabylgju.