Milljónir í biðröð eftir mat

Þeim sem háðir er matargjöfum frá Rauða krossinum fjölgaði um 75 prósent milli áranna 2009 og 2012. Þetta kemur fram í gögnum Rauða krossins og Rauða hálfmánans í 22 af 42 löndum í Evrópu.

Í frétt á vef Sænska Dagblaðsins segir að 3,5 milljónir manna bíði nú í röðum eftir að fá mat. 43 milljónir Evrópubúa borða sig ekki mettar á hverjum degi.

Miðað við skýrslu frá því í október 2009 hefur ástandið hríðversnað. Þeir sem stóðu höllum fæti fyrir hafa það enn verr. Ástandið hefur einnig komið niður á stórum hluta vinnandi millistéttar. Milljónir sem áður höfðu það ágætt búa nú við fátækt.

Samkvæmt upplýsingum frá Hagstofu Evrópusambandsins eru 120 milljónir manna í Evrópu á mörkum fátæktar.

Í skýrslu Rauða krossins segir að fjárhagskreppan í Evrópu nú sé sú versta í 60 ár. Afleiðingarnir verði langvarandi og auki á hættuna á útlendingahatri og öfgakenndum skoðunum.