Solberg sigurvegari kosninganna

Norski hægriflokkurinn er ótvíræður sigurveragi kosninganna þar í landi og Erna Solberg formaður flokksins verður að öllum líkindum næsti forsætisráðherra Noregs.

Flokkur Solberg hlaut 48 þingsæti og er næststærsti flokkur landsins. Verkamannaflokkurinn er enn sem fyrr stærsti flokkurinn en Jens Stoltenberg fráfarandi forstætisráðherra og félagar hans misstu níu þingsæti í kosningunum á meðan Hægriflokkurinn bætti við sig átján sætum.

Framfaraflokkurinn er þriðji stærsti flokkurinn þrátt fyrir að missa nokkurt fylgi og stóra spurningin er hvort hann verði í næstu ríkisstjórn, eða hvort Solberg myndi minnihlutastjórn með honum borgaralegu flokkunum og skilji Framfaraflokkinn útundan, en flokkurinn er umdeildur, meðal annars vegna afstöðu til innflytjenda.