Prestur reyndi að brenna 3.000 eintök af Kóraninum

Yfirvöld í Bandaríkjunum handtóku í gær umdeildan prest í Flórída sem reyndi að brenna tæp 3.000 eintök af Kóraninum, helsta trúarriti múslima. Tilefnið var að tólf ár eru liðin frá hryðjuverkaársunum 11. september árið 2001.

Hinn 61 árs gamli Terry Jones var stöðvaður af lögreglunni og kærður fyrir ólöglegan flutning á eldsneyti. Á palli bíl hans mátti finna fjölmörg eintök af Kóraninum, stórt grill og mikið magn af eldsneyti.

Jones hafði áformað að brenna 2.998 eintök af helgasta riti múslima í garði í Tampa Bay - ein bók fyrir hvert fórnarlamb árasanna árið 2001. Presturinn var færður á næstu lögreglustöð þar sem hann var varaður við að framferði hans varðaði á við lög.

Þetta er ekki í fyrsta sinn sem Jones kemst í fjölmiðla. Á síðasta ári þá tók hann þátt í því að kynna kvikmynd, Innocence of Muslims, vakti gríðarlega hörð viðbrögð í samfélagi múslima.