Líkamsleifar í kjötkælum Europris í Noregi á hrekkjavöku

Europris keðjan hefur þurft að biðja börn og fjölskyldur þeirra afsökunar eftir að hafa pakkað inn mjög raunverulega útlítandi blóðugum plast höndum og fótum í kjötumbúðir. Þetta var sett í kjötkæla til sölu sem hluti af Hrekkjavökuskreytingum.

Bálreiðir foreldrar voru slegnir þegar þeir uppgötvuðu afskornu limina í kjölkælunum sem hræddu börn í leit að hrekkjavökubúningum og skreytingum.

Europris, sem er með mýmargar búðir í Noregi, hefur fjarlægt upplagið af plastlíkamsleifunum úr búðnum.

Talsmaður búðanna sagðist ekki hafa viljað valda neinu uppnámi, sér í lagi ekki börnum, og þess vegna ætli keðjan að fjarlægja skreytingarnar samstundis.

Afsökunarbeiðnin og aðgerðirnar náðu þó engan veginn að lægja storminn sem enn geysar á Facebook og öðrum samfélagsmiðlum vegna málsins.